Kêng măng 26/8, Thủ tướng Phạm Minh Chính wơt wa Thani bin Ahmed Al Zeyoudi, Quốc vụ khanh mât uănh nău kan tăch rgâl dak bah dih Bộ Kinh tế ăp Tiểu vương quốc Arab dơn ngoăy (UAE) ndrel kruanh ăp tập đoàn têh bah UAE. Thủ tướng rhơn rnê Quốc vụ khanh ndrel 19 doanh nghiệp têh bah UAE tâm ăp trong kan kơt logistics, ŭnh nar, loih kông, ndơ ngêt sa, prăk nkrem ntuh kơl, prăk kaih, ngân hàng... tât khâl Việt Nam.

Aơ  lah rnôk dŭt uĕh gay doanh nghiệp bar ding joi trong tâm boh ta ăp trong kan ma bar ding ndrel  uănh khlay. Thủ tướng rnê âk ăp nău nsrôih n’hanh njuat hăn ma bar ding hŏ dơi geh ta tâm nchră Hiệp định tâm boh wăng sa lam lĕ rngôch Việt Nam - UAE. Gay ntrôl dăng lơn đŏng tâm boh bar ding, Thủ tướng dăn đă bar ding n’hao âk mpôl tâm khâl nsum,  lơn lah gưl têh; nta trong dơh, ntrŭt nsôr ăp doanh nghiệp bar dak tâm boh, ntuh kơl, gŭ mĭn, mĭn uănh n’hŭch sŏk soăy đah du đêt ntil ndơ tăch gay ntik n’hao ăp suan dăng gay tâm ntop nsum bah bar jâng wăng sa; ơm ƀư jêng ngăn ngăn rnoh tât nsĭt geh tăch rgâl bar ding tât 10 rmen USD.