Kêng măng 21/12, ta Nhih pah kan Chính phủ, Thủ tướng Chính phủ Phạm Minh Chính hŏ wơt wa Tomikazu Fukuda, Thống đốc n'gor Tochigi, Nhật Bản dôl geh hăn khâl n'hanh pah kan ta Việt Nam. Ta rơh wơt, Thủ tướng Phạm Minh Chính an gĭt, tâm boh têh jong jru hvi Việt Nam - Nhật Bản dôl tâm rnôk hun hao uĕh lăng, lam lĕ rngôch đah nău nsing nơm chính trị nar lơn ma dơi n'hao dăng.

Nhật Bản lah dak tâm boh khlay dâk bôk năp bah Việt Nam, lah dak kơl ODA dŭt têh, dak ntuh kơl n'hanh dak tâm boh têh tâl pe, dak tâm boh tăch rgâl têh tâl puăn bah Việt Nam. Tâm boh gưl n'gor đah bar dak nar lơn ma jru hvi, lah nău an ƀư jêng ngăn ngăn n'hanh geh nău tam ăp nău tâm ton bah kruanh rđău kan bar dak, rgop ntrŭt ntrôl tâm boh Việt Nam -Nhật Bản hun hao ngăn ngăn. Năm 2023 lah năm nkah ndray 50 năm njêng tâm boh Việt Nam - Nhật Bản, Thủ tướng Phạm Minh Chính nsing nơm đah nău nsrôih, nău rŏng tâm rnglăp, tâm boh đah n'gor Tochigi n'hanh ăp n'gor Việt Nam mbra jêng ntŭk chrat ang mhe n'hanh lah nău ntĭt an tâm boh têh jong jru hvi Việt Nam - Nhật Bản.

VOV/Nuĭh rblang: Điểu Thân