Tâm n’gor Hoà Bình, Thủ tướng Phạm Minh Chính mhe râng nau ndâk nkra trong tâm rgop nkuăl Hoà Bình-Hà Nội ndrel ntrong hăn ngăch Hoà Bình-Mộc Châu. Bôk nau kan tâm rgop nkuăl Hoà Bình-Hà Nội ndrel trong hăn ngăch Sơn La (Hoà Bình-Mộc Châu) đah rnoh ntuh kơl 4.120 rmen ndrel jong bơi tât 50 km mra jêng trong teng hăn khlay, nthoi ăp trong tơm, kơl rhuăt gleh trong hăn tĭng trong Hà Nội-Nkuăl ƀon têh Hoà Bình-Kim Bôi, n’hao nau tâm nthoi, tăch rgâl đah ăp n’gor Hà Nam-Hoà Bình-Phú Thọ-sơn La đah ăp trong hăn bah neh dak.

Ntoh nau tâm nar rƀŭn, Thủ tướng Chính phủ Phạm Minh Chính đă, đah ăp tơm ntuh kơl, nŭih kơl mbơh nchră nau kan ân geh uănh ƀư dơi nau đă đah nau ƀư nau kan ân geh đăp mpăn tâm di nar. Thủ tướng đă N’gâng kan gung trong, nchuăn rdeng, ăp ntŭk kan geh tât tâm rgop ma n’gor Hoà Bình gay ma năn kơl an, ntĭm mbơh tâm rnôk geh ŭch ngăn, đăp mpăn nau ntrŭnh ƀư Bôk nau kan geh dơi ma nau ŭch ngăch, nau nâp tĭng bah nau ntrŭnh./.