Mbơh tơih đah Thủ tướng  Phạm Minh Chính n’hanh mpôl pah kan  rnôk tât khâl, uănh ndôi ta Ga Hà Nội, Tổng Giám đốc Tổng công ty trong loih Việt Nam Hoàng Gia Khánh an gĭt, năm 2023, n’gâng kan trong loih Việt Nam lah nsum n’hanh Tổng công ty trong loih lah êng lĕ rlet rlău âk nau jêr jŏt, kŏ văk, dơi geh du đê̆ nău dơi khlăy.

Nău geh dơn ngoăy lĕ rngôch Tổng công ty geh 101,7% nău nchrăp, nău geh lôch thuế geh 115% nău nchrăp, mât đăp mpăn hăn trong loih n’huch lĕ 3 nău mpŏng. Thủ tướng Phạm Minh Chính bâh nău uănh năl na nê̆ ta Ga Hà Nội, dŭt rhơn rnôk năch hăn nsong geh uănh năl n‘gâng kan trong loih Việt Nam lĕ rgâl ueh mpeh nău kan, nkah mbơh Tổng công ty mô dơi mô geh mât njrăng, mô mât uănh, an geh ƀư ueh răng dăng lơn, mbra geh nău dơi ueh lơn. Mpeh nău mpŏng hun hao trong hăn trong loih Việt Nam, uănh khlăy mpeh rdâk njêng n’gâng kan hun hao công nghiệp trong loih tĭng trong ueh mhe, ngăch ndăn, mbơh tơih geh săk rnglăy trong kan an hun hao, nău nchrăp pah kan jan sa tăch rgâl hun hao lvang năm 2021-2025 lĕ geh an dŏng.