Nar 12/8, Thủ tướng Phạm Minh Chính pah kan đah Ban mât Lăng Kruanh Hồ Chí Minh mpeh lôch jêh tĭng ƀư nău dơn kan 6 khay bôk năm 2024 n’hanh pah kan way tât nar Nkra nâp uĕh Lăng Kruanh Hồ Chí Minh năm 2024. Ta aơ, Thủ tướng đă Ban Mât Lăng ntik n’hao tay nău way ơm n’gloh ang, nuih n’hâm dơn kan bah năp Đảng, Ngih dak n’hanh ƀon lan, mô rlu n’hao nău dơi kan gay tâm ăp ntil nău tĭng ƀư jăp nău dơn kan mât ndray jŏ jong, mât njrăng đăp mpăn săk Kruanh Hồ Chí Minh.

Ân lor nchrăp, nsrôih n’hanh ntik n’hao lơn đŏng nuih n’hâm blău ƀư mhe, rgâl mhe gay ndơ̆ jâng gung Quảng trường Ba Đình n’hanh ăp drăp ndơ ơm yău ntlơi an tay geh tât Kruanh Hồ Chí Minh n’hanh nkual Nkah ndray tahen ơm dăng janh jêng ntŭk sinh hoạt văn hóa, chính trị n’hanh rƀŏng tât lah ntŭk “joi sĭt tu tơm” bah ăp nuĭh ƀon lan Việt Nam rnôk hăn tât Hà Nội n’hanh sĭt đah Wa. Ƀư rhŏ dŏng uĕh, ăp dăp ăp nău kan weh khâl bah ƀon lan n’hanh năch dak bah dih./.