VOV4.M’nông-Kêng măng nar 11/10, Thủ tướng Phạm Minh Chính lĕ vơt wa Juan Ignacio Rubiolo, groi kruanh rnâng kan Tập đoàn ŭnh nar AES Hoa Kỳ. AES lah Tập đoàn ŭnh nar geh tâm rnoh 500 công ty dŭt têh ta Hoa Kỳ yor tạp chí Fortune săch n’hanh lah ngoăy tâm âk công ty bôk năp lam ntur neh mpeh trong kan ŭnh nar tâm n’gâng kan công nghiệp khí ta lam ntur neh. Ta rơh vơt, Thủ tướng Phạm Minh Chính rnê âk nău geh pah kan ntuh kơl tăch rgâl, tâm ban kơt ăp nău tâm kơl kan ndrel, kơl an, mbơh tơih nău kơl geh nău kan rdâk njêng bâh Tập đoàn AES ta Việt Nam tâm rnôk ba năp nơh, ngăn lah ta trong kan ŭnh nar kloh ueh, ŭnh nar tâm di gay ma ntop an trong kan rgâl mhe, mpŏng tât nău dŏng tâm di Carbon ta năm 2050. Chính phủ Việt Nam mbra hăn ndrel n’hanh kơl an, doh rklaih ăp nău ngluh mbơh gay ma ăp nău nchrăp kan bâh Tập đoàn AES mât đăp mpăn tâm di, săk rnglăy n’hanh geh nău dơi, tâm kơl ntuh kơl nâp nâl.

VOV /Nuĭh rblang: Thị Đoắt