Măng 9/12, ta nhih pah kan Chính phủ, Thủ tướng Chính phủ Phạm Minh Chính hŏ wơt, pah kan đah mpôl kruanh 18 doanh nghiệp, tập đoàn rnoi Nghiêm, bah Trung Quốc dôl khâl, joi geh trong tâm boh, ntuh kơl ta Việt Nam.

Thủ tướng Chính phủ an lah, nău ăp doanh nghiệp Trung Quốc ntrŭt ntrôl ăp nău kan tâm boh, ntuh kơl ta Việt Nam mbra rgop ƀư jêng ngăn ngăn an ƀư nău tâm ton bah kruanh gưl têh bar dak, ƀư jru hvi lơn tâm boh tâm brê têh jong lam lĕ rngôch Việt - Trung, rdâk njêng mpôl tâm pă nău rêh let năp tay Việt Nam - Trung Quốc geh nkô̆ khlay têh jong, tâm ban kơt rgop tâm nău hun hao bah lĕ bar dak Việt Nam - Trung Quốc. Chính phủ Việt Nam way ntrŭt nsôr ăp doanh nghiệp Trung Quốc pơk hvi tâm boh ntuh kơl tâm ăp trong kan Trung Quốc săk geh dăng, Việt Nam ŭch geh n’hanh an ƀư lor âk kơt: Ƀư ntung trong, blău njêng mhe, ăp n’gâng kan mhe ntoh geh tât trí tuệ nhân tạo, hun hao kloh uĕh, ŭnh nar sĭt jêng tay, ndơ dŏng ăp tŏng ta nkual gŭ rgum, công nghiệp ƀư njêng săk geh âk.