Ôi 14/8, Ban Thường vụ Tỉnh ủy Dak Lak n’glôch jêh 10 năm tĭng ƀư Nghị quyết mbrô 33 bah Ban Chấp hành Trung ương Đảng khóa XI mpeh “rdâk njêng n’hanh hun hao văn hóa kon nuĭh Việt Nam tŏng đah nău ŭch  geh nâp dăng neh dak” n’hanh 15 năm tĭng ƀư nău ntrŭnh mbrô 38 bah Ban Bí thư mpeh “Ntrôl  dăng pah kan đăp mpăn bảo hiểm y tế tâm nô nău mhe”. 

Rlău 15 năm tĭng ƀư nău ntrŭnh mbrô 38 bah Ban Bí thư, trong kơl bảo hiểm y tế hŏ ntik n’hao nău dơi jru hvi tâm  nău rêh, geh ăp nău rgop khlay tâm pah kan mât njrăng, mât chăm n’hanh n’hao ngăch dăng n’hâm suan ƀon lan. Rlău 10 năm tĭng ƀư, n’gor Dak  Lak hŏ geh rlău 398.000/463.000 rnăk văn hóa, tât 86%. Văn hóa way ơm uĕh lăng bah ƀon lan ăp rnoi mpôl đê̆ rdâk nkah tay, mât ndray n’hanh ntik n’hao. Wa Nguyễn Đình Trung, Bí thư Tỉnh ủy n’gor Dak Lak nchih nkah n’hanh mpư rnê nău nsrôih bah ăp gưl, ăp n’gâng kan tĭng ƀư Nghị quyết 33 n’hanh nău ntrŭnh mbrô 38 bah Ban Bí thư ta n’gor.