Ôi 19/8, ta Thủ đô Bắc Kinh, Tổng Bí thư, Kruanh dak Trung Quốc Tập Cận Bình n’hanh I ur ƀư Lễ wơt Tổng Bí thư, Kruanh dak Tô Lâm n’hanh I ur khâl gưl Ngih dak tât Trung Quốc ntơm bah nar 18/8 - 20/8/2024. Đảng, Ngih dak Trung Quốc hŏ ƀư lễ wơt dŭt têh khlay đah Tổng Bí thư, Kruanh dak Tô Lâm ndrel I ur n’hanh Mpôl đại biểu gưl têh dak he.

Hăn khâl gưl Ngih dak bah Tổng Bí thư, Kruanh dak Tô Lâm geh nkô̆ khlay dŭt mha êng đah tâm boh Việt – Trung let năp tay tâm ban kơt rgâl uĕh trong tâm boh dak bah dih, hun hao bah neh dak he tâm let năp tay, tâm rnôk tâm boh 2 dak Việt Nam – Trung Quốc mât tay trong rƀŏng hun hao uĕh, ring lam dăng tât ăp gưl, ăp n’gâng kan jêng nău tâm  boh khuh n’gôr, geh nău tam  n’hanh ngăn ngăn. Đah nău uănh khlay mha êng n’hanh kan nsum lhăt bah bar ding, hăn khâl gưl ngih dak tât Trung Quốc rơh dja bah Tổng Bí thư, Kruanh dak Tô Lâm n’hanh I ur dơi mpŏng mbra pơk luh du rơh hun hao mhe an tâm boh tâm kâng n’har tâm rnglăp, tâm boh têh jong lam lĕ rngôch, mpôl tâm pă trong rêh let năp tay Việt Nam - Trung Quốc geh nkô̆ khlay têh jong n’hanh lăp tâng jru.