Kêng măng 13/8, Tổng Bí thư, Kruanh dak Tô Lâm lĕ ƀư tơm rơh rƀŭn Rnâng kan Tiểu ban Văn kiện Đại hội 14 bah Đảng. Ta rơh rƀŭn, Tổng Bí thư, Kruanh dak Tô Lâm uănh lah prêh n’hanh rnê ăp nău nsrôih bah Rmôt Biên tập Văn kiện lĕ pah kan đah nuih n’hâm nchrăp lor, lĕ đah nău kan mbơh an Rnâng kan Tiểu ban sam ƀŭt dự thảo Mbơh an an chính trị rơh tal 5; Nkre lah Rmôt Biên tập an mĭn njêng na nê̆ ăp nghị quyết bah Ban Chấp hành Trung ương Đảng, N’gâng kan Chính trị, Ban Bí thư, ăp nghị quyết bah Ban Chấp hành Trung ương Đảng, Bộ Chính trị, Ban Bí thư, ăp nghị quyết bah Quốc hội n’hanh Chính phủ...

Ngăn lah ăp sam ƀŭt mhe dơi an tâm năm kan aơ. Tổng Bí thư, Kruanh dak Tô Lâm lah rjăp, mbơh an chính trị bah Đại hội 14 lah ndơ bah bôk rngok têh, lah du ndơ ƀư tâm bôk rngok nsum bah lam Đảng, lam ƀon lan, lam tahen, kơt đồng chí ndrôí thư Nguyễn Phú Trọng lĕ ntĭm rđău, an mât uĕh ƀon lan ƀư tơm n’hanh bôk rngok nsum mpôl, an geh tât râng rgop bah ăp ngih pah kan, ban, nău kan Trung ương n’hanh ăp ntŭk, ăp rmôt kan chính trị-rêh jêng n’hanh nuĭh ƀon lan.