Ôi ntri (20/8), ta Thủ đô Bắc Kinh, Tổng Bí thư, Kruanh dak Tô Lâm n’hanh Mpôl đại biểu gưl têh dak he tât khâl n’hanh pah kan ta Nhih nti Đảng Trung ương Đảng Cộng sản Trung Quốc (Nhih nti Đảng Trung ương Trung Quốc). Nkoch mpeh nău kan rgum tơm bah Đảng Cộng sản Việt Nam tâm let năp tay, Tổng Bí thư, Kruanh dak Tô Lâm an gĭt, ngoăy tâm ăp nău kan dŭt khlay bah Việt Nam lah ƀư jăp pah kan nchrăp an Đại hội XIV bah Đảng- Đại hội hŏ dơi ntrŏng lah n’gâng tơm khlay, n’gâng chrat ntơr rơh lịch sử mhe, rơh mhe, rơh nsan hao bah rnoi nuĭh Việt Nam kalơ trong hăn chủ nghĩa xã hội.

Nsing ta siƀŭt nchih nkah tâm boh tâm rơh mhe đah Nhih nti Đảng Trung ương Trung Quốc n’hanh Học viện Chính trị quốc gia Hồ Chí Minh mhe ký ton n’hanh ăp nău dơi tâm boh tâm bah ri aơ nơh, gay ƀư jru hvi tay nkô̆ hôr tâm trôm bah têh hao mhe tâm boh bar Đảng, bar dak, Tổng Bí thư, Kruanh dak Tô Lâm dăn đă, bar Nhih nti ntrŭt ntrôl tâm nđŭr, tâm ôp; jă ăp kruanh rđău kan n’hanh ăp giáo sư, nuĭh rnâng kan bah Nhih nti tât khâl Việt Nam gay n’hao dăng tâm boh pah kan, ntrŭt ntrôl nsing nơm n’hanh tâm gĭt wât nsum.