Nar 8/8/2024, ta nhih pah kan Trung ương Đảng, Tổng Bí thư, Kruanh dak Tô Lâm hŏ kuăl điện tâm nchră đah Tổng thống Liên bang Nga Vladimir Putin. Tổng Bí thư, Kruanh dak Tô Lâm lah rjăp Việt Nam tĭng du trong êng nơm tâm boh đah dak bah dih, mât njrăng êng, âk ding, âk trong tâm boh đah dak bah dih, uănh khlay tay rdâk nkah n’hanh hun hao tâm boh  têh jong lam lĕ rngôch đah Liên bang Nga, way ntrŏng tâm boh đah Liên bang Nga geh têh khlay jŏ jong, lah ngoăy tâm ăp trong an ƀư lor dâk bôk năp tâm boh dak bah dih bah he.

Bar kruanh mât bôk kan tâm ban ŭch tâm boh Việt Nam - Liên bang Nga hun hao dŭt uĕh lăng n’hanh nsĭt dơi geh âk nău khlay ta  lĕ rngôch ăp trong kan, lơn  lah njrăng n’gang neh dak, rnă njrăng, ŭnh nar, pring xăng, tăch rgâl... Tổng Bí thư, Kruanh dak Tô Lâm n’hanh Tổng thống Vladimir Putin hŏ tâm ôp, dơn ngoăy du đêt trong rƀŏng têh tâm  let năp tay tâm trôm tâm boh bar ding n’hanh âk ding.