Kêng măng (20/8), Tổng Bí thư, Kruanh dak Tô Lâm ndrel I ur n’hanh Mpôl đại biểu gưl prêh dak he lĕ tât Hà Nội lôch uĕh rơh khâl Gưl ngih dak tât Trung Quốc tĭng nău jă bah Tổng Bí thư, Kruanh dak Trung Quốc Tập Cận Bình. Rơh pah kan dak bah dih bôk năp ta nău kan mhe bah Tổng Bí thư, Kruanh dak Tô Lâm lĕ lôch uĕh ta ăp trong, rgop ntrôl khlay đah nău ndâk njêng Nsum mpôl nkoch nău rêh rgŏ năp Việt Nam-Trung Quốc geh nkô̆ nău têh, rgop an tâm rnglăp, đăp mpăn n’hanh hun hao bah nkual n’hanh lam ntŭr neh.

Tâm rlău 2 nar pah kan, Tổng Bí thư, Kruanh dak Tô Lâm lĕ geh bôk nău kan dŭt n’hâm uĕh n’hanh âk nkô̆ nău đah 18 nău ƀư. Tâm trong trôm rơh khâl, 2 ding lĕ an nău mbơh nsum mpeh nău n’hao lơn tay tâm boh kan ndrel lĕ rngôch, hăn jru ndâk njêng nsum mpôl nkoch nău rêh rgŏ năp Việt Nam-Trung Quốc. Ăp n’gâng kan, nău kan n’hanh ƀon lan 2 dak lĕ ký ton âk sam ƀŭt kan ndrel tâm ăp ntil nău kơp uănh, uănh nđôi srê, hải quan, dak si, truyền thông, kan ndrel n’gor, ntŭk ƀon lan gŭ.