Rƀŏng tât nkah ndray 80 năm nar njêng Mpôl tahen ƀon lan Việt Nam n’hanh 35 năm nar rgum lam ƀon lan njrăng n’gang neh dak; ta Nhih pah kan kruanh dak, Tổng Bí thư, Kruanh dak Tô Lâm mhe mâp măt ntơh măt Mpôl tâm ôp joi way ơm Sư đoàn 308 - Đại đoàn Quân Tiên phong. Ta rơh mâp măt, Tổng Bí thư, Kruanh dak Tô Lâm mpơl nău rhơn dơi mâp tay ăp tahen ơm-ăp nuĭh ƀư jêng nău dơi kăl e, ăp nuĭh tă ơm ban saơ tâm ăp rơh tâm lơh tâm su kăl e bah Sư đoàn 308.

Tổng Bí thư, Kruanh dak Tô Lâm dăn đă ăp tahen ơm Sư đoàn 308 way mât nuih n’hâm uĕh lŏng “Tahen Wa Hồ"; ntik n’hao tay nău way ơm bah đơn vị dăng janh mpôl tahen; dâk leo lor ăp trong nchrăp, trong kơl bah Đảng, Ngih dak, way lah trong ntĭt leo trong chrat ang an rnăk wâl, kon său kơt tĭng; nsrôih râng rgop rdâk njêng mpôl tahen glêh tam, hăr đăng, dăng prăl, têh mhe; tâm rnglăp nkra bah ăp jêr jŏt, tâm kơl nsum, đah nuih n’hâm tahen  ơm tâm kơl nsum n’hŭch ach o, wăng sa jăp blău, rgop hun hao wăng sa- rêh jêng kon nuĭh bah n’gor.