Kêng măng 26/8, Tổng Bí thư, Kruanh dak Tô Lâm hŏ ƀư tơm lễ mbơh n’hanh ntăm siƀŭt n’glêh  an bah Kruanh dak ntăm n’hao ăp Groi Thủ tướng Chính phủ, Bộ trưởng Bộ Tư pháp n’hanh Bộ trưởng Bộ Tài nguyên n’hanh Môi trường. Lah ta rơh lễ, ntơh măt kruanh rđău kan Đảng, Ngih dak, Tổng Bí thư, Kruanh dak Tô Lâm mbah rhơn ăp wa Nguyễn Hòa Bình, wa Bùi Thanh Sơn, wa Hồ Đức Phớc dơi ntăm  n’hao ƀư Groi Thủ tướng Chính phủ; ntăm n’hao Bộ trưởng Bộ Tài nguyên n’hanh Môi trường đah wa  Đỗ Đức Duy, Bộ trưởng Bộ Tư pháp đah wa Nguyễn Hải Ninh. 

Tổng Bí thư, Kruanh dak Tô Lâm dăn đă prăm nuĭh ân ntik n’hao tay nău way ơm  cách mạng, mât nâp nuih n’hâm uĕh lŏng, du nuih n’hâm đah Đảng, đah neh dak n’hanh ƀon  lan, lĕ  nuih n’hâm, lĕ suan rhal rhŏ dŏng an neh dak, rhŏ dŏng an ƀon lan. Bah năp nê, ôi 26/8, ta nâm nău ƀư tơm bah Kruanh Quốc hội Trần Thanh Mẫn, Quốc hội khoá 15 hŏ ƀư Rơh hop ndal gay mĭn uănh pah kan nchrăp nuĭh kan n’glĕ nău dơi kan. Quốc hội khóa 15 hŏ ƀư sơch n’hanh uănh an ntăm n’hao 3 Groi Thủ tướng Chính phủ; Bộ trưởng Bộ Tài nguyên n’hanh Môi trường; Bộ trưởng Bộ Tư pháp; sơch Chánh án Nhih phat dôih ƀon lan gưl têh n’hanh Viện trưởng Viện Kiểm sát ƀon lan gưl têh.