Kêng măng 9/8, Tổng Bí thư, Kruanh dak Tô Lâm leo mpôl pah kan Trung ương  tât khâl n’hanh ƀĭt joet nar pah kan đah Ban Thường vụ Thành ủy Hà Nội mpeh nu nău ƀư tĭng Nghị quyết Đại hội 13 bah Đảng n’hanh Đại hội Đảng bộ Nkual ƀon têh Hà Nội rơh tal 17 năm kan 2020-2025, nău mât uănh, mbơh ƀư Ntĭm đă 35 lơ 14/6/2024 bah Bộ Chính trị mpeh Đại hội Đảng bộ ăp gưl rƀŏng tât Đại hội đại biểu lam dak rơh tal 14 bah đảng.

Nkoch tât mpeh nău kan tâm năm tât, Tổng Bí thư, Kruanh dak Tô Lâm đă, Nkual ƀon têh an dŭt n’hâm rgum ƀư âk trong mkra têh ngăch tât đah săk rnglăy ngăn, tâm nĕ ndăn lôch jêh ăp rnoh an ƀư, trong nchrăp lĕ n’gluh an tâm Nghị quyết Đại hội Đảng bộ Nkual ƀon têh rơh tal 17 năm 2020-2025. Tổng Bí thư, Kruanh dak Tô Lâm đă Nkual ƀon têh Hà Nội rgum dŏng săk rnglăy ăp tơm prăk gay hun hao; sŏk wăng sa nkual ƀon têh ƀư n’hâm soan, hăn ndrel đah hun hao văn hóa, ndâk njêng nuĭh Hà Nội uĕh lăng, rgop ndrel đah ntŭk ntô hun hao đah nkual ƀon têh n’hanh thôn ƀon tĭng trong uĕh lăng mhe, nsrôih lah Nkual ƀon têh boăt nthoi lam ntŭr neh.