Tâm ngơi đah mpôl đại biểu, Tổng Bí thư, kruanh dak Tô Lâm lah na nê̆, ƀon lan Việt Nam way răm rhơn, ryơk rnê geh wa Hồ, nuĭh leo kan têh kuăng –Anh hùng rklaih đăp mpăn mpôl rnoi, Nuĭh gĭt vât mât rbăy Văn hoá ntoh lư, nuĭh kan văn hoá lam ntur neh. Ngăn lah, ăp đồng chí geh râng rơh tâm mâp hôm nha dŭt rhơn, n’hao nuih, rhơn lah ăp nuĭh tă geh kan ndrel mât Wa ôi măng, lĕ nuih n’hâm mât săk soan Wa đah lĕ nău rŏng. Mpơl nău rhơn dŭt hô rnôk geh nkoch tay ăp nău kahgĭt mpeh nău rêh nău pah kan bâh Wa; Tổng Bí thư, Kruanh dak Tô Lâm lah tay na nê̆, ƀư tĭng nău way ơm “Ngêt dak kahgit tu”, Đảng, ngih dak he way geh ryơk, lah ueh nău ntop kan bâh ăp wa, ăp yơ, ăp kônh lĕ tă geh mât kơl mât chăm săk soan Wa rnôk hôm nha rêh n’hanh mât rbăy, n’hao mpư tay ăp ntil ndơ ndrăy bâh Wa Hồ ta ntŭk kan kruanh dak.