Ôi 12/8, Tổng Bí thư, Kruanh dak Tô Lâm wơt Đại sứ Argentina, Algeria, Đức, Triều Tiên n’hanh Thụy Điển tât hăn ndơ̆ siƀŭt neh dak ntơm năm pah kan ta Việt Nam. Wơt Đại sứ Argentina, Tổng Bí thư, Kruanh dak Tô Lâm ŭch rŏng Đại sứ mbra nsrôih ntrŭt ntrôl lơn đŏng tâm boh bar dak, mât trong tâm khâl gưl têh n’hanh nău kan bah ăp nău n’glăp tâm boh, wat jêh rpaih an tâm boh.

Mbah rhơn Đại sứ Algeria, Tổng Bí thư, Kruanh dak lah rjăp Việt Nam uănh khlay tâm boh đah Angieri, ŭch rŏng Đại sứ nsrôih kan nsum ntrŭt ntrôl tâm khâl mpôl kan gưl têh, ntrŭt ntrôl tâm boh tăch rgâl ndơ, ntik săk geh tam ăp nău way trong tâm boh. Wơt Đại sứ Đức, Tổng Bí thư, Kruanh dak Tô Lâm ŭch rŏng Đại sứ rgop ngăn ngăn tâm nău an ƀư tâm boh têh jong Việt Nam - Đức. Tổng Bí thư, Kruanh dak lah rjăp ăp n’gâng kan, ăp n’gor Việt Nam mbra nta trong dơh gay Đại sứ geh du năm kan lôch jêh uĕh.