Tổng Bí thư, Kruanh Trung Quốc Tập Cận Bình tât an kao si n’hanh lăp Lăng viếng Kruanh Hồ Chí Minh. Nduar kao si bah mpôl hăn geh nchih “Kruanh Hồ Chí Minh, kruanh rđău kan têh kuâng bah ƀon lan Việt Nam rêh mbro mbrăng”.

 Bah năp nê, tâm nar bôk năp bah hăn khâl, Tổng Bí thư, Kruanh Trung Quốc Tập Cận Bình hŏ geh rơh tâm nchră gưl têh dŭt geh nău khlay đah Tổng Bí thư Nguyễn Phú Trọng gay nkoch trong rƀŏng n’hao têh lơn đŏng tâm boh têh jong lam lĕ rngôch Việt Nam- Trung Quốc. Tổng Bí thư Nguyễn Phú Trọng n’hanh Tổng Bí thư, Kruanh Trung Quốc Tập Cận Bình hŏ geh rơh tâm ôp dêh bên ta nsưng gŭ ngêt trà, gay ƀư jru hvi lơn đŏng tâm boh êng dêh bên đah bar kruanh rđău  kan. Bar kruanh rđău kan hŏ uănh n’hanh djăt nkoch mbơh mpeh 36 siƀŭt tâm ton tâm boh ta âk trong kan dơi ký ton đah ăp n’gâng kan, ăp n’gor bar dak./.