Nar ntri (22/11) ta Nhih pah kan Trung ương Đảng, Tổng Bí thư Nguyễn Phú Trọng, Kruanh Ban rđău đă ƀư tơm rơh hop rnâng kan Ban rđău đă Trung ương mpeh njrăng n’gang sa khâm tih djơh tâm nchră n’hanh an nău rgop mpeh lôch jêh geh rđău đă nkra du đêt nău tih, nău kan mpeh Ban rđău đă groi nđôi, rđău đă n’hanh du đêt nkô̆ khlay êng ƀa ƀă.

Mpeh nău dơn nău kan let năp tay, Rnâng kan Ban rđău đă đă ăp gưl ủy, mpôl kan đảng, nhih pah kan dơi kan ntrôl dăng tay pah kan njrăng n’gang sa khâm tih djơh, rgum nkra bah lĕ ăp nău kan dôl ruih nkai, ăp rêng kan hôm rbăn lhơ, ăp nău tih, nău sa khâm, tih djơh jru hô, krit jêr, nău lư lam rêh jêng kon nuĭh uănh khlay. Lơn lah rgum hăn ôp uănh, groi nđôi, treng uănh, kiểm toán, ôp sek, rmal lhăt ăp nău tih geh tât ăp nău geh ta Công ty Việt Á, Công ty AIC, Tập đoàn FLC, Tân Hoàng Minh, Vạn Thịnh Phát. Nsrôih ntơm bah aơ tât lĕ năm 2023 lôch jêh ntrŏng năl, rmal 10 nău tih; n’gluh an ƀoi tĭng lah phong 05 nău tih; rmal bôk năp 07 nău tih, rmal gưl têh bah lơ 03 nău tih./.