Măng nơh (21/12) ta Nhih pah kan Trung ương Đảng, Tổng Bí thư Nguyễn Phú Trọng hŏ geh rơh kuăl điện tâm nchră gưl têh đah wa Miguel Díaz-Canel, Bí thư Bôk năp Đảng Cộng sản Cu-ba, Kruanh dak Cộng hòa Cu-ba. Ta rơh kuăl điện tâm nchră, Bar kruanh rđău kan lah rjăp tâm boh tâm rnglăp mha êng, ntĭt leo đah bar Đảng, bar dak tă bah Kruanh Hồ Chí Minh n'hanh kruanh Phi-đel roh âk n'hâm suan bun dăp; tâm ôp ăp trong rƀŏng gay n'hao dăng tâm boh bar ding tâm let năp tay.

Tâm ban ŭch n'hao âk tâm  gĭt wât nsum, tâm kơl nsum, tâm hăn khâl gưl têh n'hanh ăp gưl; tâm ôp tay lý luận, nău tă ơm gĭt; an ƀư geh nău tam ăp nău tâm ton tâm boh tâm  ăp trong kan  săk geh n'hanh nău ŭch geh dŏng kơt tuch tăm; dak si; n'hao dăng kan nsum, tâm kơl nsum ta ăp rơh tâm  nchră dak bah dih. Wa Díaz-Canel mpơl nău ŭch rŏng ăp doanh nghiệp Việt Nam n'hao âk ntuh kơl tâm Cu-ba, lơn lah tâm ăp trong kan nkret njêng ndơ sa, ndơ dŏng rêh ăp nar, tăch rgâl jê̆ chrai.

VOV/Nuĭh rblang: Điểu Thân