Ôi 6/2 ta Hà Nội, Đảng ủy Công an Trung ương, Bộ Công an ƀư khuh n'gôr nkah ndray 75 năm "Công an ƀon lan kơt nti, tĭng ƀư prao nău wa Hồ ntĭm"; 75 năm Nar way ơm rdâk njêng mpôl Công an ƀon lan (11/3) n'hanh dơn Huân chương Bảo vệ Tổ quốc hạng Nhất.

Lah ta rơh lễ, Tổng Bí thư Nguyễn Phú Trọng lah rjăp, lah du trong rtŭt glêh, he mbra dơi wât prao nău wa Hồ ntĭm Công an ƀon lan nê lah: Tâm boh trôm nuih n'hâm, nâm nơm bah ăp cán bộ, tahen Công an (nê lah đah săk he nơm); tâm boh bah dih bah ăp cán bộ, tahen Công an (nê lah đah ndrel nuĭh kan, đah ƀon lan, đah Chính phủ, đah phŭng rlăng); tâm boh bah ăp cán bộ, tahen Công an đah nău kan lah ăp nău he ân ƀư, dơi ƀư, n'hanh ƀư ân dơi tĭng nău way, nău dơn kan, tĭng nău tâm pă đă kan. Gay ntrôl dăng lơn nău kơt nti, tĭng ƀư prao nău wa Hồ ntĭm, mpôl Công an ƀon lan, Tổng Bí thư Nguyễn Phú Trọng nkoch kloh nău ŭch đah lĕ rngôch mpôl Công an ƀon lan tâm lam dak ân ŭanh khlay mbơh gĭt jru hvi, rgum ƀư jăp pe nkô̆ nău  n'gâng tơm, nê lah: "Kơt nti" "Nsrôih tĭng ƀư, kơt ƀư"; n'hanh "leo lor, dâk hăn bôk năp".