Ôi nđaơ (19/12) ta Hà Nội, Tổng Bí thư Nguyễn Phú Trọng tât râng n’hanh ntoh ngơi ta rơh ntơm rƀŭn nchră tâm rnglăp nchră nău bah dih rơh tal 32 đah bôk nău “Mât uĕh ƀư tơm hăn lor ndâk njêng trong tâm rnglăp nchră nău bah dih lĕ rngôch, mhe, nâp dăng, ƀư dơi Nghị quyết Đại hội 13 bah Đảng”.

Ntoh ngơi ta rƀŭn nchră, Tổng Bí thư Nguyễn Phú Trọng mĭn lah, bơi tâm 40 năm rgâl mhe, Đảng he lĕ ndơn n’hanh mât uĕh tu tơm n’hanh nău way ơm rnoi nuĭh, djăt săch nău uĕh lam ntŭr neh n’hanh nău mĭn rgâl hao bah rnôk mhe, hun hao tĭng trong lý luận bah chủ nghĩa Mác-Lênin, nău mĭn Hồ Chí Minh, têh jêng du trong tâm rnglăp, nchră nău bah dih dŭt uĕh, n’hanh âk nău uĕh “tơm rla Việt Nam”. Tổng Bí thư Nguyễn Phú Trọng rnê rhơn 6 săk rnglăy ntoh lư bah Nău kan nchră nău bah dih n’hanh tâm rnglăp bah dih lam dak bah jêh Rƀŭn nchră nău bah dih lam dak rơh bôk năp tâm năm 2021, kơt he lĕ ƀư mât uănh n’hanh mbơh ƀư rĭng lĕ rngôch, săk rnglăy trong tâm rnglăp nchră nău bah dih Đại hội 13 bah Đảng.