Ôi 20/12, ta Hà Nội, Quân ủy Trung ương, N’gâng kan mât njrăng bri dak ƀư Rƀŭn nchră Quân chính lam ƀon lan năm 2022. Tổng Bí thư Nguyễn Phú Trọng, Bí thư Quân ủy Trung ương tât râng n’hanh ntĭm rđău rƀŭn nchră.

Ntoh ngơi ta rƀŭn nchră, Tổng Bí thư Nguyễn Phú Trọng uănh lah prêh nău nsrôih bah lam tahen tâm năm 2022 rgop ndrel lam Đảng, lam ƀon lan n’hanh lĕ trong chính trị, rdâk hao wăng sa; njrăng n’gang sa khâm, sa ƀer; mât njrăng bri dak, rnă njrăng, n’hao tâm rnglăp nchră nău bah dih, ƀư tơm jâng nsan bah neh dak dơi hao prêh tay.

Tổng Bí thư Nguyễn Phú Trọng râng rƀŭn nchră Quân chính lam tahen năm 2022

Jêh rnôk rblang ƀư kloh nu nău lam ntŭr neh, nkual nchroh mbơh hôm e geh jêr jŏt, jêr njrăng, Tổng Bí thư Nguyễn Phú Trọng đă, năm tât lam tahen an njrăng ngăch, nău dơi mĭn njêng, nchroh mbơh, ƀư tĭng uĕh nău kan tâm ôp đah Đảng n’hanh Ngih dak mpeh tahen, mât njrăng bri dak; geh trong mkra tâm di, săk rnglăy ăp nu nău, mô an tât ndal. Uănh khlay tâm ôp tâm nchră, mkra ngăch, nâp nâl săk rnglăy tâm boh lam ntŭr neh; ăp trong mkra nking n’gang geh nău tâm lơh bah ơm, bah ngai; ăp nău n’har bri, gôl dak. Bah meng nĕ, wât tay n’hanh uănh rjăp lơn tay nău ƀư tĭng trong hăn mât njrăng bri dak lam ƀon lan, nking n’gang an nuĭh ƀon lan, mât njrăng bri dak tâm nu nău mhe.