Nkah ndray 93 năm nar njêng Đảng CSVN (03/02/1930-03/02/2023), ôi 6/2 ta Nhih pah kan Trung ương Đảng, ta nâm nău ƀư tơm bah Tổng Bí thư Nguyễn Phú Trọng, Bộ Chính trị, Ban Bí thư ƀư rơh mâp măt dêh bên bôk năm mhe Quý Mão 2023 đah ăp kruanh rđău kan ơm bah Đảng, Ngih dak, Mặt trận Tổ quốc Việt Nam, ăp nuĭh Uỷ viên Trung ương Đảng ơm rlău ăp rơh. 

          Lah ta rơh mâp măt, Tổng Bí thư Nguyễn Phú Trọng lah rjăp tâm rnôk hôm âk  jêr jŏt, ntul rlong, kruanh rđău kan Đảng, Ngih dak hŏ way tâm rnglăp, dơn ngoăy, kan nsum lhăt, blău ƀư mhe ăp trong n'glêh an di, năn ngăch, tâm di gay rđău đă lam Đảng, lam ƀon lan n'hanh lam tahen geh ăp nău dơi khlay, lam lĕ rngôch ăp rnoh tât kan, nău dơn kan hŏ n'gluh. Tổng Bí thư Nguyễn Phú Trọng mpơl nău ŭch rŏng, let năp tay ăp kruanh rđău kan Đảng, Ngih dak ơm đah ơm geh nău gĭt blău kan tâm săk nơm, ŭanh tĭng nău dơi bah ăp nuĭh mbra geh tay ăp nău rgop têh kuâng đah n'gâng kan cách mạng chrat ang bah Đảng, Ngih dak n'hanh ƀon lan.