Ôi ntri (20/12) ta Hà Nội, Đảng ủy Công an Trung ương (CATW) ƀư Tâm nchră uănh năl jêh geh, kơp uănh tay nău kan rđău đă tĭng ƀư nău dơn kan chính trị năm 2023; gay n’gluh trong rƀŏng, nău dơn an năm 2024; uănh năl jêh geh tĭng ƀư Nghị quyết mbrô 12 bah Bộ Chính trị; an nău rgop mpeh siƀŭt Tâm nchră Công an lam dak tâl 79. Tổng Bí thư Nguyễn Phú Trọng râng n’hanh geh nău rđău đă tâm nchră.

Ta tâm nchrăp, ăp nuĭh an nău rgop đah: Siƀŭt mbơh n’glôch jêh pah kan đảng bah Đảng bộ CATW năm 2023 n’hanh trong rƀŏng, nău  dơn pah kan năm 2024; Mbơh uănh năl jêh geh tĭng ƀư Nghị quyết mbrô 12 bah Bộ Chính trị mpeh ntrôl dăng rdâk njêng mpôl Công an ƀon lan kloh uĕh ngăn, nâp dăng ngăn, đăng hăr, têh mhe, tŏng đah nău ŭch geh dơn kan tâm nô nău mhe. Lah ta tâm nchră, Tổng Bí thư Nguyễn Phú Trọng dăn đă, Đảng ủy CATW ân lor nchrăp gŭ mĭn du trong lam lĕ rngôch n’hanh nsrôih uĕh, nsŏng kơl đah Đảng, Ngih dak, gưl ủy, n’gâng kan ta ntŭk n’gluh trong nchrăp, trong kơl, pháp luật mpeh hun hao wăng sa- rêh jêng kon nuĭh, đăp mpăn njrăng n’gang neh dak, rnă njrăng./.