Ta rơh tâm nchră, bar hê nuĭh leo kan lah na nê̆ aơ lah nău kan ntơm bôk năp vơt rhơn kahgĭt 50 năm nar njêng nău tâm boh kan nchră nău đah Việt Nam- Nhật Bản. Tĭng nĕ, bar hê nuĭh leo kan ndrel tâm ban ŭch mpeh nău kơl an bar ding tâm rgop leo ƀư ueh ăp nău kan kahgĭt bar dak hun hao gay ma njêng nău tâm rgop kan, ntrôl an hun hao tâm kơl ta lĕ rngôch ăp trong kan, ndơ̆ nău tâm boh kan bar dak hun hao ta njoat mhe, nsĭt tay nău geh ueh na nê̆ an ƀon lan bar dak.

Tổng Bí thư Nguyễn Phú Trọng lah na nê̆, Việt Nam nsrôih trong hăn nchră nău đah dak bah dih đăp mpăn, ƀư tơm tâm rnglăp, tâm kơl n’hanh hun hao, geh âk nău kan, âk ding nău tâm boh kan, leo kan n’hanh nsrôih lăp kan ndrel lĕ rngôch, têh hvi, Việt Nam lah dak kan ndrel n’hanh dak kan geh âk nău dơi, geh nău dơn kan tâm ntŭk kan lam ntur neh. Tâm nĕ, Nhật Bản lah dak kan ndrel dŭt khlăy bôk năp bâh Việt Nam.