Ôi nđaơ (5/9) ta Ngih Trung ương Đảng, Tổng Bí thư Nguyễn Phú Trọng lĕ wơt đồng chí Lưu Kiến Siêu, Ủy viên Trung ương Đảng, Kruanh Ban Liên lạc Đối ngoại Trung ương Đảng Cộng sản Trung Quốc dôl geh rơh khâl n’hanh pah kan ta Việt Nam.

Tổng Bí thư djôt dơn n’hanh dăn đă 2 Ban Đối ngoại Trung ương tâm rgop rjăp tay, mât uĕh săk rnglăy trong ƀư tâm mâp ăp năm đah 2 Kruanh Ban Đối ngoại Trung ương, ntrôl kan ndrel đah ăp ngih pah kan bah 2 Đảng, n’hao nău ƀư tơm nchrŏng trong tâm boh đah 2 Đảng đah dĭng lĕ tâm boh 2 dak, tă bah ăp nău ƀư ngăn na nê̆ Mbơh nsum dơi geh tâm rơh khâl na nê̆ Trung Quốc mhe rlău, tă bah nĕ ndơ̆ tâm boh kan ndrel dăch dêh way ơm đah 2 Đảng, 2 dak hao prêh mhe. Đồng chí Lưu Kiến Siêu nkoch tâm ban ŭch âk n’hanh mbra djăt tay ăp nău rgop nchrŏng khlay bah Tổng Bí thư Nguyễn Phú Trọng mpeh n’hao tâm boh kan ndrel đah 2 Đảng, 2 dak.