Kêng măng 21/2 ta Ngih Trung ương Đảng, Tổng Bí thư Nguyễn Phú Trọng lĕ wơt mpôl đại biểu gưl prêh Đảng Phong trào Cánh tả Thống nhất (MIU), yor Tổng Bí thư Mi-ghen Mê-hi-a, Kruanh n’gâng kan Chính sách hội nhập nkual Cộng hòa Đô-mi-ni-ca-na, leo trong hăn khâl n’hanh pah kan ta Việt Nam, bah nar 18/2 tât nar 26/2/2023.

Ta nar wơt, Tổng Bí thư Nguyễn Phú Trọng mĭn lah, Ngih dak Việt Nam uănh khlay mro tâm boh dăch dêh, kan ndrel âk ntil đah ăp dak, ăp đảng geh tâm boh way ơm, tâm nĕ geh Cộng hòa Đô-mi-ni-ca-na n’hanh Đảng MIU. Tổng Bí thư Nguyễn Phú Trọng rnê nău tâm boh kan ndrel rjăp n’hanh nar lơ săk rnglăy đah Đảng Cộng sản Việt Nam đah Đảng MIU n’hanh ăp đảng têh êng ta Cộng hòa Đô-mi-ni-ca-na. Tổng Bí thư đă 2 ding tâm rgop rjăp tay, mbơh ƀư săk rnglăy ăp trong nchrăp kan ndrel đah 2 đảng. Tổng Bí thư Mi-ghen Mê-hi-a lah rjăp nău tâm boh chính trị uĕh lăng lah nkô̆ nău di n’hanh dơh an 2 dak pơk hvi n’hanh ƀư jru lơn ăp ntil kan nsum đah 2 dak.