Nar 17/02, Tổng Bí thư Nguyễn PhúTrọng hŏ wơt Mpôl ntơh măt gưl têh Văn phòng Trung ương Đảng Ƀon lan Cách mạng Lào tă bah wa Thoong-xa-lít Măng-nò-mệc, Chánh Văn phòng leo hăn khâl n'hanh pah kan ta Việt Nam. Tổng Bí thư mpơl nău rhơn mpeh tâm boh tâm rnglăp mha êng, tâm boh lam lĕ rngôch Việt Nam - Lào nar lơn ma hun hao, lăp tâng jru, ngăn ngăn n'hanh geh nău tam ta ăp trong kan, rgop khlay mât đăp mpăn chính trị, njrăng n'gang neh dak, rnă njrăng n'hanh hun hao wăng sa- rêh jêng kon nuĭh bah ăp dak.

Tâm let năp tay, bar đảng, bar dak ân n'hao dăng tay n'hanh n'hao nău tam tâm boh gay tŏng đah nău ŭch geh mhe, ndrel tâm kơl nsum, rlău dơi jêr jŏt. Tổng Bí thư Nguyễn Phú Trọng dăn đă bar Văn phòng Trung ương Đảng mât uĕh tay nău way ơm bah he, kan nsum lhăt, tâm ôp ăp nkô̆ nău mpeh lý luận n'hanh ngăn ngăn, nău tă ơm gĭt, tâm boh tâm kơl nsum tâm pah kan têh jong, tĭng ƀư geh nău tam nău tâm ton tâm boh đah bar Văn phòng Trung ương bar Đảng n'hanh tâm ton đah kruanh rđău kan gưl têh bar đảng, rgop an tĭng ƀư geh nău dơi Nghị quyết Đại hội bah ăp Đảng.