Kêng măng 19/12, Tổng Bí thư Tô Lâm ƀư tơm rƀŭn nchră lam dak mpeh trong kan uănh nđôi, groi uănh, kỷ luật bah Đảng. Tĭng nău mbơh, năm aơ, gưl ủy ăp gưl lĕ uănh nđôi rlău 55 rbăn rmôt kan Đảng n’hanh rlău 300 rbăn Đảng viên. Jêh uănh nđôi, n’glôn jêh geh rlău 1.700 rmôt Đảng n’hanh rlău 6 rbăn Đảng viên geh nău tih.

Ntoh ngơi ntĭm rđău ta rƀŭn nchră, Tổng Bí thư Tô Lâm đă năm tât an ƀư tĭng rĭng ăp trong mkra njrăng n’gang ƀư tih, ƀư mô di; nău way lah geh tih an geh n’glôn jêh, mô geh ntŭk ntlơi, mô geh nău mô ƀư, n’hao ndâk njêng Đảng kloh uĕh, nâp dăng, tâm di nău đă nău kan tâm nu nău mhe. Tổng Bí thư đă ăp gưl ủy, rmôt kan Đảng, Ủy ban uănh nđôi ăp gưl ndăn dăp tay, dơh jêt n’gâng kan ƀĭt joet nhih pah kan bah Đảng, Ngih dak lah nsum, tâm nĕ geh Ủy ban Uănh nđôi tĭng di trong nchrăp bah Ban ntĭm rđău Trung ương n’glôch jêh ƀư tĭng Nghị quyết 18 đăp mpăn rĭng tâm ban, tâm ban ŭch, dơh jêt, têh dăng,tam, săk rnglăy.