Ôi 20/12, ta Ntŭk rgum Tâm nchră gưl neh dak (Hà Nội), Ban Chấp hành Trung ương Đảng, Quốc hội, Kruanh dak Cộng hòa xã hội chủ nghĩa Việt Nam, Ủy ban Trung ương Mặt trận Tổ quốc Việt Nam n’hanh Quân ủy Trung ương, Bộ Quốc phòng ƀư rgum lễ nkah ndray 80 năm Nar njêng tahen ƀon lan Việt Nam, 35 năm Nar rgum lam ƀon lan njrăng n’gang neh dak. Siƀŭt tă bah Tổng Bí thư Tô Lâm răk ta nar nkah ndray, lah kloh: nar 22 khay 12 năm 1944, Đội Việt Nam tuyên truyền Giải phóng quân – ntơm jêng bah Tahen ƀon lan Việt Nam dơi njêng.

Ta nâm nău rđău kan, ntĭm nti, tiăr nti bah Đảng he n’hanh Kruanh Hồ Chí Minh, Tahen he hŏ ngăch hao jêng dăng, geh nău ngăch prăl mbro. Tĭng du njăr trong jong kăl e, Tahen way mpư n’hao nuih n’hâm cách mạng, ƀư n’gâng tơm, ndrel lam ƀon lan mât njrăng đăp mpăn, ƀư tơm, dơn ngoăy n’hanh lam lĕ rngôch neh dak, mât njrăng Đảng, mât njrăng n’gâng kan, mât njrăng ƀon lan n’hanh tĭng trong xã hội chủ nghĩa. Aƀaơ, tâm rơh cách mạng mhe, Tổng Bí thư nkoch kloh nău mĭn, ndơ ƀư lor gay Tahen ƀư lôch jêh ngăch prăl ăp nău dơn kan, ndrel lam Đảng, lam ƀon lan, lam tahen he njêng ăp nău dơi mhe tâm rdâk njêng n’hanh Mât njrăng neh dak xã hội chủ nghĩa, nê lah mât nâp n’hanh n’hao dăng nău rđău kan ngăn, na nê̆ mpeh ăp ntil bah Đảng, nău mât bôk kan bah Ngih dak đah Tahen ƀon  lan n’hanh n’gâng kan rdâk nâp njrăng n’gang neh dak, rnă njrăng.