Tổng Bí thư Tô Lâm kơp dơn n’hanh rnê âk nău hăn ndrel, kơl an ueh nsrôih ma chính phủ Singapore lĕ an Việt Nam bâh ntơm nău kan rgâl mhe n’hanh lăp kan đah lam ntur neh, lah na nê̆ Việt Nam way geh uănh khlăy n’hanh ŭch ntrôl nău tâm boh kan ndrel lĕ rngôch đah Singapore hun hao ăp nar lơ ma têh dăng, hăn lăp tâm nău rêh ngăn ngên săk rnglăy. Tổng Bí thư Tô Lâm đă 2 dak n’hao tay lơn nău tâm knơm mpeh chính trị bâh ăp rơh tâm mâp, tâm mbơh nău kan gâl têh n’hanh ăp gâl, ntrôl dăng tâm kơl đah Đảng Cộng sản Việt Nam đah Đảng pah kan ƀon lan, an lah ăp ntŭk kan geh tât 2 dak an geh tâm rgop tay na nê̆ gay ma rdâk njêng nău kan n’hanh nău nchrăp tâm kơl ta ăp trong kan kơt rgâl mhe rnoh mbrô, ŭnh nar mhe njêng gay ma geh njoat mhe têh dăng, tâm di đah nău ŭch n’hanh nkô̆ mpŏng hun hao ta rơh mhe, nkre lah n’hao nău tâm kơl kan mât rnă njrăng ngih dak.