Uănh năl nău ngăn ta ntŭk geh nchrăp ƀư ngih máy, Tổng Bí thư Tô Lâm lĕ geh djăt nău mbơh tơih mpeh nău nchrăp kan, nău nchrăp ƀư, nău rgŏ jă, tâm trok gay ma an ƀon lan ta nkual ƀư kan geh tĭng nău ntrŭnh, pă neh ntrơn ntŭk gŭ gay ma ƀư ngih máy. Tổng Bí thư đă an geh ơm ƀư tĭng ăp ntil sƀ rgŏ nchrăp kan, mbơh tơih đah Chính phủ uănh n’hêl, an dŏng n’hanh pă dăp prăk kan, mât đăp mpăn nău ngăch kan. Lôch nĕ, Tổng Bí thư tât râng rơh ntơm kuĭh neh ndơm lŭ du jay rgum pâl rlưn, jrô nti n’hanh ăp ntil ndơ kơl an- ngih nti mẫu giáo Phước Dinh, nkuăl Thuận Nam. Aơ lah nău kan dŭt khlăy ndrel đah geh tŏng ăp ntil ndơ ntĭm n’hanh nti, đah lĕ rnoh prăk 12 rmen prăk yor đồng chí Tổng Bí thư pă an. Kêng măng ndrel nar, Tổng Bí thư n’hanh mpôl pah kan bâh Trung ương tât khâl ndrâm rgum ăp nău kan ta Cà Ná. Di rơh aơ, Tổng Bí thư Tô Lâm n’hanh mpôl pah kan bâh Trung ương lĕ tât khâl ƀon mon uk Bàu Trúc, ta nkuăl têh Phước Dân, nkuăl Ninh Phước.