Tổng thống Indonesia Joko Widodo mbra khâl gưl ngih dak Việt nam bah lơ 11 tât 13/1 tât. Năm bah năp, tâm boh ăp ding Việt Nam-Indonesia jâng hun hao dăng tay.

Rơh khâl êp tât mbra rơh tal 2 Tổng thống Joko Widodo khâl gưl ngih dak tât Việt Nam (Jêh rơh khâl khay 9/2018) n’hanh di an 2 ding tâm rgâl tay mpeh ăp trong ntrôl kan ndrel, ƀư jru hvi tâm boh kan ndrel, tă bah nĕ rhăt jăp tâm boh dăch dêh way ơm lĕ dơi rgum mât bơi 70 năm bah năp. Aƀaơ 2 dak hôm e geh âk nău dơi an joi nkra, nău tâm boh kan ndrel rjăp, jru hvi đah Việt Nam n’hanh Indonesia mbra nta uĕh an 2 dak n’hao tâm boh ăp ding, tâm di đah nău geh, jâng nsan bah ăp dak kơt nău hun hao dŭt n’hâm uĕh tâm boh ăp ding tâm năm tât.