Tổng thư ký rnê âk nău leo kan tơm bâh Tổng Bí thư Nguyễn Phú Trọng n’hanh kơp dơn nău leo kan bâh Tổng Bí thư, Việt Nam lĕ geh vơt trong kan hun hao rlet rlău n’hanh jêng dak kan ndrel ăp nar lơ ma khay bâh LHQ. Ndơn kan an LHQ, Tổng thư ký Antonio Guteret njoăl nău rngot klâng tât chính phủ, ƀon lan Việt Nam n’hanh rnăk vâl Tổng Bí thư Nguyễn Phú Trọng. Kruanh Đại hội đồng LHQ khóa 78 Dennis Francis lĕ geh mâp Đại sứ Đặng Hoàng Giang, kruanh mpôl kan way kan Việt Nam ta LHQ n’hanh njoăl nău rngot klâng tât Ngih dak n’hanh ƀon lan Việt Nam. Kruanh Đại hội đồng mbơh tơih tât nău rngot klâng n’hanh nău roh jot têh bâh nuĭh ƀon lan Việt Nam ta năp nău khĭt bâh du hê nuĭh leo kan dŭt jăp, lĕ nuih n’hâm đah ngih dak.