Kêng măng 24/12, ta nkual ƀon têh Đà Nẵng, Trung ương Đoàn TNCS Hồ Chí Minh ƀư Rgŏ jă ăp rơh rgŏ jă “Ntô̆ n’hao du dôr nor dak”. Aơ lah rgŏ jă na nê̆ bah druh ndăm Việt Nam gay ƀư lĕ nău kan bah rơh druh ndăm đah nău ƀư tơm bah Bri dak. Rgŏ jă geh boăt nthoi đah 10 ntŭk ƀoh trực tuyến gưl Trung ương ta 10 n’gor, nkual ƀon têh ta lam dak. Ta rgŏ jă “Ntô̆ n’hao du dôr nor dak”, 1.300 đoàn viên, druh ndăm, kon hŏk bah nkual ƀon têh Đà Nẵng lĕ ƀư dăp rup Bản đồ Việt Nam.

Rơh rgŏ jă “Ntô̆ n’hao du dôr nor dak” ƀư gay n’hao ntĭm nti rŏng dak, wât mpeh ƀư tơn neh dak, rnoi nuĭh; nkoch trêng, ƀư an đoàn viên, druh ndăm rchong yôk bản đồ Việt Nam ta ntŭk nti, pah kan. Di rơh aơ, Trung ương Đoàn TNCS Hồ Chí Minh an 20 bản đồ khung (têh A1) an ntoh măt nuĭh ƀon lan joi ka, rmôt tahen n’har bri, druh ndăm, phung pah kan, nai, kon hŏk... n’hanh 50.000 bản đồ (têh A0) an ăp Tỉnh đoàn, Thành đoàn, đoàn mpeh tâm n’gor n’hanh an 5.000 bản đồ an Thành đoàn Đà Nẵng.