Nar 1/3, wa Cao Xuân Thu Vân- Groi kruanh Trung ương Hội nông dân ndrel mpôl pah kan hŏ geh rơh pah kan đah Tỉnh ủy Bạc Liêu. Lah ta rơh pah kan, Groi Bí thư rnâng kan Tỉnh ủy Bạc Liêu Lê Thị Ái Nam an gĭt, Ban Thường vụ Tỉnh ủy way ŭanh khlay nău kan bah Hội nông dân, lơn lah ăp ntil nău nchrăp an Đại hội Hội nông dân ăp gưl, kruanh rđău kan n'gor n'hanh kruanh rđău kan Hội nông dân n'gor kan nsum đah Sở Nông nghiệp n'hanh Phát triển nông thôn ƀư tâm nchră uănh năl ăp trong ntĭt leo gay ntrŏng ntŭk ntĭt leo ntoh lư, ntĭt êng an ƀon lan kan lŏ mir Bạc Liêu. 

N'glôch jêh rơh pah kan, Groi kruanh Trung ương Hội Nông dân Việt Nam Cao Xuân Thu Vân rnê âk nău nchrăp tâm ban kơt ƀư Đại hội Hội nông dân ăp gưl bah n'gor Bạc Liêu, nkre dăn đă n'gor ân uănh khlay pah kan nchrăp nuĭh kan, lơn lah Ban Thường vụ Hội nông dân n'gor Bạc Liêu tâm năm kan mhe mô dơn geh nău mĭn nâp dăng mpeh chính trị ma hôm ân geh nău gĭt blău n'hanh nău hăr hun hao wăng sa.