Kêng măng 2/1, ta Hà Nội, Ủy ban Dân tộc ƀư Rƀŭn nchră trực tuyến lam dak n’glôch jêh trong kan dân tộc năm 2023, mbơh ƀư nău kan năm 2024. ƀư tơm Rƀŭn nchră geh Groi Thủ tướng Chính phủ Trần Lưu Quang n’hanh Kruanh n’gâng kan, Chủ nhiệm Ủy ban Dân tộc Hầu A Lềnh. Ntoh ngơi ntĭm rđău rƀŭn nchră, Groi Thủ tướng Chính phủ Trần Lưu Quang djôt dơn n’hanh uănh lah prêh âk nău nsrôih n’hanh săk rnglăy dơi geh tâm trong kan rnoi nuĭh năm bah năp.

Yơn lah, bah meng âk săk rnglăy bah lơ, nkual rnoi mpôl đêt n’hanh nkual yôk hôm e  âk jêr jŏt, ntŭl rlong n’hanh âk nău an dơi mkra tay tâm lvang aƀaơ hin. Yor nê, Groi Thủ tướng Chính phủ đă năm tât ăp n’gâng kan, nău kan, n’gor an uănh mĭn tât trong kan rnoi nuĭh, tâm nĕ an ngăch tâm rgop đah nău way n’hanh nău geh na nê̆ bah tĭng ntŭk. Ntrôl dăng trong kan nkoch trêng gay rgâl nău wât, nău ƀư n’hanh nău mĭn bah nuĭh ƀon lan gay săk khân pơng nơm nsrôih hao.