Kêng măng 25/12, ta Hà Nội, Uỷ ban Dân tộc ƀư mâp măt rmôt kan kon se nti, sinh viên, druh ndăm rnoi mpôl đê̆ ntoh lư năm 2023. Aơ lah ngai tâm âk nau kan tâm rnôk ƀư nau rnê nkhôm năm 2023 yor Uỷ ban Dân tộc ƀư tơm, tâm rgop nsum đah n’gâng kan ntĭm nti, Trung ương Đoàn druh ndăm cộng sản Hồ Chí Minh ƀư tâm 2 nar 25-26/12. Năm aơ, rnoh kon se nti, sinh viên, druh ndăm rnoi mpôl đê̆ geh săk rnê lah 143 kon se tâm 51 rnoi, tâm nê geh 12 kon se ăp rnoi geh nau jêr ngăn ngên.

Ăp oh lah ăp nŭih kon se rnoi mpôl đê̆ geh giải Nhất, Nhì, Ba tâm rơh tâm rlong kon se nti bah neh dak, rơh tâm rlong khoa học kỹ thuật gưl kan neh dak, mô lah geh săch lăp, lăp sŏng tâm ăp ngih săm ƀŭt Đại học, học viện, geh rnoh điểm ntơm 28 điểm hao gŏ lơ tĭng nau rgum 3 môn geh săch lăp đại học; lah ăp nŭih druh ndăm rnoi mpôl đê̆ geh nau blau, ntoh lư tâm ăp nau kan mô lah yor ăp nkual mbơh, đă./.