Nkô̆ nău khlay bâh rơh rƀŭn nchră lah uănh nđôi nău kan nchrăp ƀư n’hanh an tâm rgop mpeh nkô̆ nău, bôk nău kan bâh rơh rƀŭn nchră ndal tal 2, Quốc hội khóa 15 n’hanh an tâm rgop mpeh nău nchrăp kan lĕ rngôch ngih dak ta rơh 2021-2030, mpŏng uănh tât năm 2050.

Tĭng nău ntrŭnh ta Luật nchrăp nău kan năm 2017, nău nchrăp kan lĕ rngôch bâh ngih dak lah nău nchrăp kan gâl ngih dak, geh nău leo kan tĭng leo pă nkual n’hanh tâm rgop nkual bâh nkual neh geh neh kơh, ăp gôl dak, ndru gôl dak, nkual dak lêng n’hanh nkual trôk, nkuăl ƀon têh n’hanh nkual ƀon lan njônh ngai, tâm rgop ndơ dŏng nău kan, dŏng tơm prăk n’hanh mât ueh ntŭk gŭ rêh, njrăng, rdâng nău tât bâh mih sial, tâm rdâng đah rgâl trôk nar mih sial, mât đăp mpăn rnă njrăng ngih dak, đăp mpăn rnă njrăng rêh jêng n’hanh lăp kan ndrel đah lam ntur neh.

Tâm nar aơ đŏng, Ủy ban rnâng kan Qh an tâm rgop mpeh nău nchrăp Luật uănh săm ji mhe rgâl, n’hanh nglôch lôch, uănh năl nău kan ƀư tĭng Nghị quyết 30, rơh rƀŭn nchră tal 1, Quốc hội khóa 15, mbơh dăn đă du đê̆ trong kan, nău kơl an mpeh dak si.