VOV4.M’nông: Lŏ rơh rƀŭn nkô̆ nau Pháp luật khay 8 bah Uỷ ban Rnâng kan Quốc hội. Lơ 16/8, Uỷ ban Rnâng kan Quốc hội rgop nau mpeh nau nchrăp Luật njrăng rdâng dân sự. Aơ lah bôk nau nchrăp luật jêr, geh nau kan hvi, mra geh mbơh Quốc hội sŏk nau rgop rơh bôk năp tal 4, Quốc hội gưl 15. Nau nchrăp Luật geh 7 Chương, 75 điều, rgum tâm ăp nau kan geh: Nchră tât rnoh mâp khuch bah nau tât, nau khuch tâm nau njrăng rdâng sân sự, nau pă nau kan tâm nau mât Ngih dak ndrel pă gưl kan tâm nau kan njrăng, rdâng, rklaih nau tât khuch, nau tât; Ntrŭnh ăp nau kan gay ma mât nŭih ƀon lan bah năp nau tât khuch, nau tât ndal ndrel kơl an nŭih geh mâp nau khuch; Rgâl mhe ntŭk ƀư nau kan bah Rnâng kan rđau nau kan dân sự neh dak, Kơt ting ăp nau kan mhe têh (big data) tâm nau njrăng, kơt tĭng ăp nau kan gay ma kơl rklaih nau tât khuch, ntrŭnh nau kan ndal mpeh nau njrăng rdâng dân sự; Ntrŭnh ƀư ăp nau nchrăp Luật njrăng rdâng dân sự lah nau tâm di đah nau tât khuch, srê ji, nau tât khuch bah lam ntur neh ndrel nkuăl geh âk nau tât jêr rdâng./.

Nŭih rblang: H’Thi