Ntoh ngơi ta rơh rƀŭn nchră, kruanh Quốc hội Vương Đình Huệ kơp dơn, uănh rnê âk nău tâm rgop bâh MTTQ Việt Nam n’hanh ăp ntŭk kan ndrel ta nău dơi nsum lĕ rngôch bâh neh dak tâm năm 2022.

Kruanh Quốc hội ŭch, tâm năm 2023, bar ntŭk kan an geh n’hao nău tâm rgop kan ndrel tâm nău ndâk nsơm an nâp nâl rmôt tâm rnglăp lĕ mpôl rnoi, n’hao nău ƀư tơm tâm ntŭk rêh jêng, n’hao ăp nău dơi mĭn kan bâh ƀon lan gay ma ntrôl ngăch trong kan ndâk nsơm, hun hao wăng sa rêh jêng. Bar ding an geh uănh khlăy nău rgâl mhe n’hanh n’hao săk rnglăy pah kan mbơh tơih, rgŏ jă, rgâl mhe nkô̆ nău, trong kan, n’hao nău dơi kan, săk rnglăy nău mbơh tơih, rgŏ jă mât đăp mpăn ƀư tĭng nău kan na nê̆, tâm di đah ăp nuĭh.