Ôi 27/2, Ủy ban Thường vụ Quốc hội hŏ ƀư rơh tâm nchră an ƀư pah kan tâm boh dak bah dih bah Quốc hội năm 2023. Ntơh măt kruanh Quốc hội, lah ta rơh tâm nchră, Groi kruanh rnâng kan Quốc hội Trần Thanh Mẫn an lah, tâm bah ri aơ nơh, Quốc hội Việt Nam rgâl mhe tay, ngăch prăl n'hanh dâk kan, ntik uĕh nău khlay kan, "suan dăng jôn" bah tâm boh nghị viện, rgop geh nău tam tâm nău tĭng ƀư gung trong tâm boh êng, nsrôih êng, đăp mpăn, tâm rnglăp, âk ntil, âk trong, âk ding, n'hao têh khlay rup gui, ntŭk kan bah Việt Nam kalơ ntŭk kan dak bah dih bah Đảng n'hanh Ngih dak he.

Tâm let năp tay, Quốc hội mbra an ƀư tay ăp trong nchrăp kan têh bah Đảng mpeh ntik n'hao nău khlay hăn lor bah tâm boh dak bah dih, rdâk njêng jâng nsing tâm boh lam lĕ rngôch, têh dăng mhe đah 3 n'gâng tơm lah tâm boh đảng, tâm boh ngih dak n'hanh tâm boh ƀon lan đah dak bah dih, tâm nê ŭanh khlay nău kan tâm boh dak bah dih bah Quốc hội tâm lam trong kan tâm boh dak bah dih bah Việt Nam.