Nthoi tay rơh hop tâl 20, ôi aơ (14/2) Ủy ban Thường vụ Quốc hội an nău rgop mpeh du đêt nkô̆ nău têh hôm geh êng êng bah trong nchrăp Luật Phòng thủ dân sự. Bah năp nê, ta rơh hop tâl 4, Quốc hội khóa 15, lơn âk nuĭh tâm ban ŭch đah nău ân n'gluh dŏng Luật Phòng thủ dân sự. Bah meng nê, âk nău rgop dăn đă ôp ŭanh tay ăp tŏng lam lĕ rngôch ăp gưl njrăng n'gang neh dak lam ƀon lan gay geh nău dơi ƀư.

Tĭng nê, gưl 1 dơi dŏng gay rdâng lơh, nkra bah nău tât khuch trôk nar lơh, nău tât ta nkuâl, gưl 2 lah nău tât têh ta gưl n'gor. Quy định gưl njrăng n'gang neh dak ƀon lan lah ntŭk nsing quy định nău dơi ntrŭnh đă, ntlơi bah n'hanh ăp trong nkra dŏng tâm tĭng gưl njrăng n'gang neh dak lam ƀon lan. Tâm nar aơ đŏng, Ủy ban Thường vụ Quốc hội n'glôch jêh rơh hop ndal tâl 2 n'hanh tâl 3, Quốc hội khóa 15; Mĭn uănh, an dŏng trong nchrăp Luật tĭng Nghị quyết ntĭm nti an dŏng Nội quy rơh hop Quốc hội n'hanh mĭn ŭanh trong nchrăp Nghị quyết mpeh nău dơn kan, n'glĕ nău dơi n'hanh dăp rgum, leo ƀư bah Ban Thư ký n'hanh mĭn ŭanh pah kan ƀon lan sơch lăp kan bah Quốc hội khay 12/2022 n'hanh khay 01/2023.