VOV4.M'nông: Nthoi tay rơh hop tâl 16, ôi aơ (11/10) Ủy ban Thường vụ Quốc hội an nău rgop tâm ăp si ƀŭt mbơh bah Chính phủ mpeh nô nău tĭng ƀư trong nchrăp hun hao wăng sa- rêh jêng kon nuĭh năm 2022 n'hanh nchrăp sŏk dŏng prăk ngân sách ngih dak. Năm 2022 nău dơi tĭng ƀư trong nchrăp hun hao wăng sa- rêh jêng kon nuĭh nchăp mbra dơi tât n'hanh rlău 14/15 rnoh tât kan rđĭl đah trong nchrăp Quốc hội jao, tâm nê hun hao wăng sa nchroh nklăp 8%, rlău rnoh ŭch geh 6 - 6,5%, njêng jâng nsan hao khlay an ăp năm bah kơi nê tĭng ƀư rnoh tât kan hun hao wăng sa bah trong nchrăp 5 năm 2021 - 2025. Tâm năm 2023, nchroh nô nău lam ntŭr neh, tâm dak geh trong dơh soih n'hanh jêr jŏt, ntul rlong yơn jêr jŏt, ntul rlong âk lơn, lơn lah nău mât bôk kan hun hao wăng sa têh. Jêng, Chính phủ ndơ̆ luh rnoh ŭch tât kan mât đăp mpăn wăng sa têh, mât kân bah hao khlay ndơ, ntrŭt ntrôl hun hao, đăp mpăn tâm ban têh bah jâng wăng sa. Lĕ n'hâm suan n'hanh ntrôl ngăch tĭng ƀư ăp trong đăt ndal. Bôk nău kan dâk hao tay n'hanh hun hao wăng sa- rêh jêng kon nuĭh. 3 bôk nău kan gưl neh dak: Rdâk njêng ƀon lan mhe, hun hao wăng sa- rêh jêng kon nuĭh nkual rnoi mpôl đê̆ n'hanh mpeh yôk yang n'hanh jut jăng ji ngot hŭch ach o jŏ jong./.

VOV.VN

Nuĭh rblang: Điểu Thân