Ta rơh rƀŭn, Kruanh Quốc hội Vương Đình Huệ đă n’hao kỷ luật, kỷ cương tâm trong kan ndâk njêng pháp luật kơt nău nchrăp ăp samƀŭt rhăch nău, sam ƀŭt mbơh an Quốc hội tĭng nău ntrŭnh; mkra rjăp gay nu nău njuăl sam ƀŭt rhăch nău nchrăp ƀư, dự thảo mô di nar ntrŭnh, mô đăp mpăn uĕh nâp.

Kruanh Quốc hội Vương Đình Huệ ntoh ngơi ta rơh rƀŭn

N’glôn jêh rơh rƀŭn, Kruanh Quốc hội Vương Đình Huệ nkoch kloh, rơh rƀŭn ndal geh nar đêt, an rgop, nău ntrŭnh ăp nău jăch yor nău đă ngăn n’gluh yơn hôm e đăp mpăn ƀư tĭng tŏng ăp tĭng nău ntrŭnh pháp luật. Kruanh Quốc hội đă Chính phủ, ăp ngih pah kan bah Quốc hội, Ngih phat dôih ƀon lan gưl prêh, Viện Kiểm sát ƀon lan gưl prêh, Kiểm toán ngih dak, Mặt trận Tổ quốc, ăp rmôt kan chính trị-rêh jêng ndăn nchrăp an Rơh rƀŭn tal 5, Quốc hội khóa 15.