Ôi 13/2, Ủy ban Thường vụ Quốc hội hŏ ntơm pơk rơh hop tâl 20. Ta rơh hop dja, Ủy ban Thường vụ Quốc hội mĭn uănh, an nău rgop mpeh âk nkô̆ khlay. Ngoăy tâm ăp nkô̆ khlay dơi Ủy ban Thường vụ Quốc hội an nău rgop tâm ôi 13/2 lah jao săk nchih n'hanh rnoh tơm prăk ntuh kơl an nău  dơn kan, trong nchrăp kan mpeh dâk hao tay wăng sa- rêh jêng kon nuĭh tâl 2. 

Tĭng nê, rnoh tơm prăk hôm ƀa ƀă bah bôk nău kan kơi ntop, jao an ăp bộ, nhih pah kan trung ương n'hanh n'gor lah 28 rbăn 862 rmen prăk. Đah 129 nău dơn kan, trong nchrăp kan đah tơm prăk lah 14 rbăn 710 rmen prăk hŏ tŏng ăp siƀŭt ntuh kơl tĭng quy định, tŏng nău dơi trong nchrăp tơm prăk bah bôk nău kan gay hao mbơh dăn Thủ tướng Chính phủ tâm pă tơm prăk, Ủy ban Thường vụ Quốc hội dăn đă Chính phủ ôp uănh tay lam lĕ rngôch mpeh mông nar ƀư lôch jêh ăp trong nchrăp kan; ndăn ngăch jao tơm prăk, tâm pă an ăp trong nchrăp kan na nê̆, ntrôl ngăch an tĭng ƀư.