Tâm ăp nar rlau aơ, Viện vật lý địa cầu tâm rgop nsum ma n’gâng kan nkuăl Kon Plông, n’gor Kon Tum ƀư ăp jrâu ntĭm nti n’hao nau blau rdâng ma n’gơ neh. Geh nklăp 500 nŭih tă bah 5 xã, geh: Đăk Nên, Đăk Ring, Măng Bút, Đăk Tăng, Măng Cành bah nkuăl Kon Plông râng ăp jrâu ntĭm nti. Bah jrâu nti, ngăn lah kônh wa rnoi Sơ đăng geh pă săm ƀŭt, ntĭm mbơh nau njrăng, der ma n’gơ neh.

Mô knŭng râng tŏng ndrel djăt ăp nau, nŭih ƀon lan tâm ăp nkuăl geh n’gơ neh tâm nkuăl Kon Plông, n’gor Kon Tum hŏ ôp nau, mbơh nau nkol, nau rvê gay geh cán bộ mbơh. Tiến sĩ Bùi Thị Nhung, ngoai tâm 5 nŭih tă bah Viện vật lý địa cầu mbơh, kŏ tă nau tâm mâp, tâm nchră sŏng đah ƀon lan 5 xã nkuăl tơm n’gơ neh, Viện vật lý địa cầu mra ơm mĭn geh leo luh ăp nau kan tâm di ma nkual, gay kônh wa ƀư dơi rdâng đah nau tât bah rơh n’gơ neh./.