Ta Cần Thơ, Hội Tâm rnglăp Việt Nam - Cuba ndrel Liên hiệp ăp mpôl kan tâm rnglăp nkual ƀon têh Cần Thơ ƀư mâp măt nkah ndray 65 năm Quốc khánh Cộng hòa Cuba, nău dơi Cách mạng Cuba. Nar kan geh nkô̆ khlay mât ndray, ntik n’hao tay nuih  n’hâm tâm rnglăp, tâm rnglăp mha êng đêt geh bah bar rnoi nuĭh Việt Nam – Cuba, lơn lah đah rơh mom ndăm nkual ƀon têh.

Nô nău tâm rnglăp oh nô đah bar dak Việt Nam – Cuba hŏ dơi rdâk njêng n’hanh hun hao tâm ban lịch sử bah bar rnoi nuĭh. Rlău 60 năm aơ, kơp ntơm bah bar dak njêng tâm boh (2/12/1960), bar rnoi nuĭh way ndrel rlăch ndăng yor đăp mpăn, dah rŏng n’hanh aƀaơ way ndrel nâp jâng chuat tâm n’gâng kan rdâk njêng n’hanh mât njrăng neh dak xã hội chủ nghĩa ta ăp dak. Aơ lah nău tâm boh tâm rnglăp oh nô, năp kơi tâm ban ngoăy, tâm boh hŏ jêng nău ntĭt bah rơh aƀaơ, lah drăp ndơ dŭt khlay ma bar Đảng n’hanh ƀon lan bar dak Việt Nam - Cuba way mât ndray, bun dăp n’hanh nđơn trêng tay an ăp rơh kơn bah kơi tay./.